Vi søker vi elevar/lærlingar og studentar til sommarjobb til vårt prosjekt Skram Skule i Måløy frå juni - august 2026. Vi ser etter deg som skal bli tømrar eller betongarbeidar og går på byggfag, eller deg som studerar for å bli byggingeniør.

Veidekke er Norge sitt største entreprenørselskap med bygge- og anleggsprosjekt over store delar av landet. Ein sommarjobb hos oss vil gjere deg godt kjend med våre prosjekt og produksjon. Her får du stifte kjennskap til mange av våre fag og folk, og du får eit godt innblikk i korleis vi jobbar.

Arbeidsoppgåver du kan få

Variasjon er nøkkelordet for ein sommarjobb hos oss. Alle prosjekt er ulike. Vi kan ikkje love deg alt, men du vil få eit innblikk i livet som fagarbeidar. Vi ynskjer at du skal bli kjent med vår produksjon og få vere med våre fagarbeidarar på ein eller flere produksjonsoppgåver. Er du ingeniørstudent kan du få bryne deg på ulike fag og oppgåver innan område som driftsoppfølging, HMS og kvalitetssikring.

I Veidekke jobbar vi med prosjekt og kontrakter heilt frå planleggingsstadiet til ferdigstilling. Det gir deg eit innblikk i og erfaring med særs mange fag, og ein kompleksitet som du kun finn hos entreprenørselskapa. I Veidekke er vi spesialistar på heile leveransen til ein kunde og vi elskar fag, kompleksitet og samspel mellom menneske på alle nivå. Så det er fint om du tenker at det høyres spennande ut!

Dette ser vi etter hos deg

Vi ser etter deg som tek initiativ, likar utfordringar, menneske og teamarbeid. Du er interessert i kva ein utførande entreprenør gjer og har lyst til å bli betre kjent med oss i Veidekke.

Du må like å prøve nye ting, for vi kjem til å gje deg varierte oppgåver - om nokre er enkle, vil andre vere meir utfordrande. Om du veit at løysingar blir enda betre når du løyser dei i lag med andre, då trur vi du vil trivast i vår gjeng sommaren 2026. Vi likar å ha det kjekt på jobb i Veidekke. Vi meiner det er samanheng mellom trivsel og kvalitet i arbeidet vi utfører og ein trygg og sikker arbeidsplass. Vi har sjølvsagt bransjen sine dyktigaste og hyggelegaste folk hos oss!

Vi gir deg

Ein sommarjobb hos oss vil gje deg praktisk erfaring som du kan ta med deg vidare. Både du og vi skal få utbytte av jobben du gjer. Og det er ikkje hemmeleg at vi nytter sommarjobbane til å vurdere eigna elevar og studentar som lærlingar eller til Veidekke sitt program for nyutdanna på eit seinare tidspunkt. Ein sommerjobb er difor både ein lærerik erfaring og ein inngangsport til jobb hos oss seinare. Lønn vert fastsett etter satsar for alder, utdanningsløp og kor langt du er kome i studiane.

Praktisk info til deg som søker

Ein sommarjobb kan du ha frå juni og ut august. Oppstart og varigheit kan variere og vert avtalt nærare på intervju. Her er det fint om du veit kor lenge og når du kan starte opp i jobben. Hos oss jobbar du vanleg arbeidsveke (5 dagars-veke) og bur normalt heime.

Har du spørsmål eller lurer på noko om jobben? Ta kontakt med:

Simon Pedersen Garshol tlf 480 23 702

Søknadsfrist: 30. april 2026. Vi har fortløpande opptak, så eit godt tips er å vere tidleg ute med å søke. Legg gjerne ved CV-en din og foreløpige karakterar.

Om arbeidsgjevaren

Veidekke er ein av Skandinavia sine største entreprenørar. Selskapet utfører alle typar bygg- og anleggsoppdrag, vedlikeheld vegar og produserer asfalt, pukk og grus. Involvering og lokalkunnskap kjenneteikner verksemda. Omsetninga er om lag 41 milliardar kroner, og nær halvparten av dei 8 000 medarbeidarane eig aksjar i selskapet. Veidekke er notert på Oslo Børs og har sidan starten i 1936 alltid gått med overskot.

Veidekke Bygg driv landsdekkande byggeverksemd for private og offentlege kundar. Verksemda bygger bolig, yrkesbygg, skular og andre offentlege bygg. Årleg omsetning er NOK 14,9 milliardar (2024), og verksemda har ca 2 900 tilsette, der 1 600 er fagarbeidarar og 1 300 funksjonærar.